Быйыл олунньу 8-13 күннэригэр лирик бэйиэт, СӨ суруйааччыларын сойууhун чилиэнэ, Саха Өрөспүүбүлүкэтин үтүөлээх учуутала, Учууталлар учууталлара Василий Иванович Босиков-Василий Босяк төрөөбүтэ 75 сылыгар аналлаах өрөспүүбүлүкэтээҕи “Босиковскай ааҕыылары” Дьокуускай куорат Саха политехническай лиссиэйин саха тылын, литэрэтиирэтин учууталларын холбоһуга тэрийэн ыытта.

     Босиковскай ааҕыылар

     “Босиковскай ааҕыылар” литературнай ааҕыы аан маҥнай Уус-Алдан Дүпсүнүгэр ини-бии Босиковтарга ананан 1997 сыллаахха тэриллибитэ. Оттон Дьокуускайга "Босиковскай ааҕыылары" куорат 14 №-дээх оскуолатыгар аан маҥнай 2001 сыллаахха Василий Иванович бэйэтэ салайан ыыппыта.
      Билигин “Босиковскай ааҕыылар” тэрээһин В.И. Босиков-Василий Босяк үбүлүөйдээх сылларыгар ананан ыытыллара үгэскэ кубулуйда. Ааҕыы иһинэн чинчийэр үлэ (оҕолорго, учууталларга аналлаах тус-туһунан хайысханан), уус-уран ааҕыы (биирдиилээн, бөлөҕүнэн), ырыа (соло, ВИА), айар үлэ, уруһуй, оҥоһук көрүүтэ диэн тус-туһунан көрүҥнэр өрүү киирээччилэр.
       Быйылгы ааҕыылар хамсык турбутунан ураты быһыылаахтык Интэриниэт - Куйаар ситимининэн ыытылынна. Уус-Алдан, Таатта, Амма, Чурапчы, Горнай, Бүлүү, Үөһээ Бүлүү, Сунтаар, Ньурба, Булуҥ улуустара кыттыыны ыллылар. Уопсайа 429 оҕо өйтөн суруйуу, айар үлэ (хоһоон, кэпсээн, остуоруйа), онлайн-биктэриинэ, видеосурунаал көрүҥнэригэр кытынна. Өйтөн суруйууга (“Мин күүстээхпин төрөөбүт тылбынан”, “Түөспэр таптал төлөнүн тилиннэрдим”, “Ымыылаах ыра санаабын ырыа кынаттаан көтүттүм”, “Дьикти алыптаах геройдар өйбөр тиллэн кэллилэр”) түөрт тиэмэ бэриллибиттэн оҕолор ордук бастакы тиэмэни талбыттар. Бу суруйууларыгар төрөөбүт тылларын инники дьылҕатын туһунан толкуйдуулларын, долгуйалларын сыаналыыр сүбэ бэлиэтээтэ. Оттон айар үлэҕэ киирбит хоһооннор, кэпсээннэр, остуоруйалар тиэмэлэрэ киэҥэ, тыллара-өстөрө хомоҕойо дьүүллүүр сүбэни сөхтөрдө. Бу көрүҥнэргэ киирбит бастыҥ үлэлэр бэйиэт “Кэриэспин ыһар кырыһым” кинигэтигэр киириэхтэрэ.
Баһылай Босяк олоҕун, айар үлэтин кэпсиир кылаас чаастара ыытылыннылар. Онлайн быыстапкалар үлэлээтилэр. 

IMG 20210218 WA0001  IMG 1392 resized 20210218 102143540 
   

    Саха политехническай лиссиэй учууталлара, үөрэнээччилэрэ кыттыылаах “Киэн туттар киһибит – В.И.Босиков”, “Олох улуу имииһит” видеоустуулар ютуб-ханаалга тахсыбытыттара. Сигэниилэрэ: https://youtu.be/IS9YmXHQ9IY         https://youtu.be/W5MXrVU-Vs8  

       Нэдиэлэ чэрчитинэн Дьокуускай куорат Саха политехническай лиссиэйин уонна бэйиэт төрөөбүт дойдутун Уус-Алдан Дүпсүнүн орто оскуолатын 7 кылаастара онлайн көрүстүлэр, бэйэ-бэйэлэригэр В.И.Босиков туһунан кэпсээтилэр, хоһооннорун аахтылар. Мантан салгыы өссө бодоруһуох, билсиэх-көрсүөх буоллулар.
       В.И.Босиков-В.Босяк төрөөбүтэ 75 сылыгар аналлаах өрөспүүбүлүкэтээҕи “Босиковскай ааҕыылар” олунньу 13 күнүгэр “Олох улуу имииһит” диэн ахтыы тэрээһининэн түмүктэннэ. СӨ суруйааччыларын сойууһун бырабылыанньатын бэрэстээтэлэ, Саха народнай бэйиэтэ, СӨ култууратын үтүөлээх үлэһитэ Иван Васильевич Мигалкин, Баһылай Босяк бииргэ үөрэммит доҕоро тыл үөрэҕин билимин дуоктара, бырапыассар, СӨ билимин үтүөлээх деятелэ, Российскай Федерация үрдүк үөрэхтээhинин бочуоттаах үлэhитэ Василий Васильевич Илларионов, Үөрэҕи сайыннарар уонна идэни үрдэтэр институт нуучча, саха тылларын кафедратын дассыана Шишигина Василиса Романовна, Арассыыйа Бэдэрээссийэтин уопсай үөрэхтээһинин бочуоттаах үлэһитэ, СӨ үөрэҕириитин бочуоттаах үлэһитэ, Учууталлар учууталлара, Саха политехническай лиссиэй дириэктэрэ Тимофеева Н.К., Арассыыйа Бэдэрээссийэтин уопсай үөрэхтээһинин бочуоттаах үлэһитэ, СӨ үөрэҕириитин туйгуна, СПЛ дириэктэрин солбуйааччыта Сергеева И.А., СӨ үтүөлээх учууталлара, бэтэрээн учууталлар Попова Галина Гаврильевна, Малышева Елизавета Михайловна, Бээрийэ кыыһа Хотойук Айгыына Баһылай Босяк туһунан истиҥ сылаас ахтыылара барыбытын долгутта. СПЛ гимин мелодиятын ааптара, Дьокуускай куорат 17 №-дээх орто оскуолатын муусука учуутала Надежда Яковлевна Макарова бэйиэт ырыаларын: “Санаа” (В.Босяк тыллара, О.Охлопкова мелодията), “Эрэл кыымнара” (В.Босяк тыллара, Д.Михайлов мелодията) толорон тэрээһини киэргэттэ. Надежда Яковлевна толорбут үһүс “Тыал” диэн ырыатын мелодиятын эмиэ бэйэтэ айбыта.

IMG 20210213 WA0005      Screenshot 20210217 234918 com.huawei.himovie.overseas
      Ити курдук быйылгы “Босиковскай ааҕыылар” киэҥ далааһыннаахтык аастылар. Бары кыттыылаахтарга истиҥ махтал тылбытын тиэрдэбит.

Ульяна Заболоцкая, Саха политехническай лиссиэй саха тылыгар уонна литретаруатыгар учуутала

Мы в Инстаграме сайт Управления образованием сайт Министерства образования и науки РФ сайт Министерства образования РС(Я) сайт ЦМКО РС(Я) сайт ИРОиПК РС(Я) сайт СВФУ сайт ФДОП СВФУ сайт Портала образовательных услуг единый номер вызова экстренных служб официальный информационный портал ЕГЭ официальный информационный портал ГИА официальный информационный портал ГИА Электронная библиотека Национальной библиотеки РС(Я) ptaskbook.com
В нашем учебном заведении при изучении программирования используется электронный задачник Programming Taskbook (http://ptaskbook.com) и система PascalABC.NET (http://pascalabc.net).